Shkup, 30 maj 2025 (MIA) - Komisioni për Politikë të Jashtme dhe Tregti të Jashtme realizoi takim me Kristof le Rigoler, ambasador i jashtëzakonshëm dhe i autorizuar i Republikës së Francës në vend.

Kryetari i Komisionit, Musa Xhaferi, e përshëndeti takimin e parë të Komisionit me ambasadorin Le Rigoler. Ai e theksoi kontributin e Francës që nga pavarësia e vendit deri në ditët e sotme, duke përfshirë Badenterin dhe kornizën për zgjidhjen e kontestit me Bullgarinë.

Ishte çështja bilaterale me fqinjin lindor, përkatësisht ndryshimet kushtetuese, që ishte në fokus të bisedimeve, si kusht për hapjen e negociatave për anëtarësim në Bashkimin Evropian. Në këtë drejtim, u kërkua ndërmjetësimi i Francës për të lehtësuar komunikimin dhe përfundimisht për të zhbllokuar rrugën Shkup - Sofje. Siç tha Xhaferi, zgjidhja e vetme për vendin është integrimi në BE, nuk ka alternativë tjetër sepse i përkasim Evropës dhe jemi anëtarë të NATO-s.

Ambasadori francez theksoi se zgjerimi është temë e ndërlikuar, por ka dritare të hapur dhe Ballkani Perëndimor duhet ta shfrytëzojë momentin. Procesi i integrimit evropian është i gjatë, me faza të ndryshme, prandaj nuk mund të ketë garanci absolute, dhe në fund duhet të ratifikohet nga të gjitha vendet anëtare të BE-së. Garancia më e mirë është që të dy vendet të arrijnë marrëveshje me ndihmën e shteteve ose institucioneve të tjera. Franca, ashtu si vendet e tjera anëtare, është e gatshme të ndihmojë dhe të japë angazhimin e saj politik për të lehtësuar negociatat. Megjithatë, duhet të ketë marrëveshje politike për zhbllokimin, dhe kjo kërkon vullnet të mirë dhe rrezik të vogël politik nga të dyja palët. Në këtë drejtim, i udhëzoi deputetët nga të dy vendet të kontribuojnë në rivendosjen e besimit përmes takimeve dhe bisedimeve të ndërsjella. Ndërkohë, vendi duhet të vazhdojë zbatimin e agjendës së reformave.

Anëtarët e Komisionit - Ivanka Vasilevska dhe Rexhep Ismail, si dhe zëvendësanëtarja dhe nënkryetarja e Kuvendit, Vesna Bendevska, gjithashtu iu bashkëngjitën diskutimit.

Vasilevska theksoi përpjekjet për të zhbllokuar procesin me çështjen dypalëshe dhe besimin se Kriteret e Kopenhagenit do të jenë përparësi për integrimin e Ballkanit Perëndimor, sepse precedentë të tillë me kontestet dypalëshe do të reflektohen në të ardhmen në vendet e tjera aspirante për në BE.

Bendevska rikujtoi se vendi është rekordmen në dhomën e pritjes së BE-së dhe rrjedhimisht zhgënjimin alarmues të qytetarëve dhe shtetit. E përmendi Propozimin Francez të vitit 2022 i cili nuk u mbështet nga qytetarët dhe ekzistencën e presionit asimetrik vetëm ndaj vendit tonë në kontestin dypalësh me Bullgarinë. Edhe pse jemi vend i vogël, tha Bendevska, ne ende kemi histori të gjatë dhe vendi ynë është në BE. Është absurde që gjendemi në një kontest dypalësh që po rezulton të jetë më e madhe se përmbushja e Kritereve të Kopenhagenit.

Deputeti Rexhep Ismail shprehu qëndrimin se gatishmëria e BE-së për të pranuar vendet e Rajonit po rezulton të jetë nevojë gjeostrategjike për Ballkanin Perëndimor. Publiku në vend nuk ka pasqyrë të qartë të përfitimeve të BE-së dhe dyshimi tek njerëzit po rritet - tha ai.

Në fund të takimit, ambasadori shprehu vetëdijen për euroskepticizmin dhe revoltën nga pritja e gjatë në dyert e BE-së, por theksoi se duhen parë përfitimet e mëdha të anëtarësimit në familjen evropiane. Vendi ynë konsiderohet shembull në Rajon dhe Evropë si një demokraci multietnike, dhe si i tillë duhet të përfshihet në bashkimin e familjes evropiane me Ballkanin Perëndimor.