Shkup, 4 mars 2025 (MIA) - Kur flas për sagën maqedonase evropiane dua të përcjell zhgënjimin që e ndjejnë të gjithë qytetarët dhe gjithçka që qytetarët duhet të bëjnë në emër të asaj të ardhmeje, ndërsa në këmbim nuk marrim pothuajse asgjë, sepse ndodhen aty ku ishim 20 vjet më parë, madje edhe përpara disa prej vendeve anëtare që tani janë brenda familjes evropiane ose ata, të cilët disa i quajnë frontraneri, deklaroi kryeministri Hristian Mickoski, duke u përgjigjur në pyetjen e gazetarëve për rrugën e vendit drejt BE-së, në konferencën e përbashkët për shtypi me homologun e tij hungarez Viktor Orban nga Budapesti.

Mickoski tha se si shtet kemi bërë shumë, diçka, siç tha ai, ka qenë në dëm të identitetit maqedonas, por duhet të jemi optimistë dhe të luftojmë në të ardhmen.

"Duhet ta realizojmë këtë synim tonë, megjithëse jemi të vetëdijshëm se këtu ka edhe njëfarë faji të brendshëm, sepse politikanët tanë të korruptuar vendas, duke menduar se Brukseli do ta harronte korrupsionin dhe krimin e tyre dhe shkatërrimin e shtetit duke firmosur dhe pranuar gjithçka që vihej në tryezë, hynë në një ekstazë të tillë dhe e përkeqësuan pozicionin negociues muaj pas muaji, vit pas viti. Kjo qeveri nuk do të bëjë kompromis për çështje të tilla", theksoi Mickoski.

Ai shtoi se ata si Qeveri do t'i respektojnë zotimet e tyre, por gjithashtu tha se ne kërkojmë që të tjerët që kanë marrë detyrimke, pavarësisht nga madhësia e tyre, pavarësisht nëse janë pjesë e BE-së apo jo, t'i respektojnë detyrimet e tyre të ndërmarra.

"Vetëm kështu mund të ecim përpara dhe vetëm kështu mund të jemi miq të vërtetë, kur të dyja palët respektojnë njëra-tjetrën. Kur njëra palë respekton e tjetra jo, kjo nuk është miqësi", shtoi Mickoski.

Ai në fjalimin e tij në konferencën për shtyp ka trajtuar edhe integrimin evropian, duke theksuar se kjo ka qenë një nga temat që ka diskutuar me Orbanin.

Mickoski shprehu shpresë se ky proces do të zhbllokohet përfundimisht për vendin, me mbështetjen e madhe të Hungarisë.  

"Shpresoj që ky proces të zhbllokohet përfundimisht edhe për ne, me një mbështetje të madhe nga Hungaria jonë mike dhe se ne si vend do të fillojmë të negociojmë dhe jam i bindur se shumë shpejt, nëse kemi mundësi t'i fillojmë ato negociata bazuar në kriteret e vërteta të Kopenhagës që t'i përfundojmë me sukses dhe të jemi pjesë e BE-së", theksoi kryeministri.

Orban në përgjigje të pyetjes së një gazetari tha se ajo që po i bëhet Maqedonisë së Veriut nga BE-ja është e padrejtë dhe e turpshme.

"Si një partner që kam negociuar me BE-në për një kohë të gjatë, mendoj se është e turpshme kjo që BE-ja po bën këtu. Siç tha kryeministri juaj, negociatat me BE-në tani janë të dyanshme, në vend që Unioni të ndihmojë në zgjidhjen e këtyre konflikteve, borxhi më i madh moral i BE-së tani ekziston ndaj Maqedonisë së Veriut. Ajo që ne si vend-anëtar i BE-së mund të bëjmë është të bashkëpunojmë më ngushtë me Maqedoninë, në ekonomi, në tregti, në kulturë, në bashkëpunim policor, kjo nuk është zëvendësim për integrimin, por mund të konsiderohet si një çmim ngushëllues në këtë mënyrë për t'u dhënë atyre mundësinë për të ndërtuar një rajon të përbashkët me Serbinë dhe Maqedoninë", tha Orban. mb/

Foto: Printskrin