09:00/30 dhjetor/2024

Shkup  - Kryeministri Hristian Mickoski dhe ministri i Shëndetësisë, Arben Taravari sot do të marrin pjesë në hapjen e katit të parë plotësisht të rinovuar të Klinikës universitare psikiatrike në Shkup. Në katin e parë plotësisht të rinovuar është vendosur fasadë të re, çati e re si dhe dyer dhe dritare të reja. Ky projekt përmirëson ndjeshëm efiçiencën energjetike të klinikës, redukton humbjet e energjisë termike dhe kursen energji elektrike, mjete që persëri do të mbeten në sistemin shëndetësor në interes të pacientëve.

Shkup  - Numërohen 200 ditë deri në Festivalin Olimpik Rinor Evropian (EMOF) Shkup 2025 që do të mbahet nga data 20 deri më 26 qershor të vitit të ardhshëm, duke shënuar kapitull të ri në përgatitjet për një nga ngjarjet më të mëdha multi-sportive në Maqedoninë e Veriut. Shkupi dhe Kumanova do të jenë nikoqirë të më shumë se 4.000 pjesëmarrësve nga 48 vende, të cilat do të garojnë në 15 sporte të ndryshme, ndër të cilat janë atletikë, basketboll, volejboll, hendboll dhe not 3x3. EMOF ka për qëllim t'i bashkojë sportistët më të mirë të rinj nga Evropa, duke u mundësuar të tregojnë talentin e tyre në nivel më të lartë.

Shkup - Komunikacioni në rrugët shtetërore zhvillohet në kushte dimërore, nëpër rrugë kryesisht të thata. Intensiteti i komunikacionit në akset rrugore jashtë mjediseve urbane është mesatar. Në vendkalimet kufitare nga ana e Maqedonisë nuk ka vonesa të gjata për hyrje dhe dalje nga shteti, njoftoi LAMM. Sipas miratimit, nga 19 dhjetori është vendosur ndryshim i përkohshëm i regjimit të komunikacionit në rrugën magjistrale A1 aksi rrugor Farish-Prilep për shkak të sanimit të vrimave, që do të zgjasë deri në përfundimin e aktiviteteve ndërtimore, njoftojnë nga "SHPK Stenton Gradba"- Manastir".

Shkup - Moti në mëngjes do të jetë i ftohtë me kushte për paraqitje të mjegullës nëpër lugina të veçanta. Gjatë ditës moti do të jetë me diell me vranësira të vogla lokale. Do të fryjë erë e lehtë deri në mesatare nga drejtimi verior. Temperatura minimale do të jetë në interval prej -6 deri në 3 gradë, ndërsa maksimalja do të arrijë nga 6 deri në 12 gradë. Në Shkup në mëngjes do të ketë  kushte për paraqitje të mjegullës, gjatë ditës mot me diell me vranësira të vogla. Do të fryjë erë e lehtë nga drejtimi verior. Temperatura minimale do të bie deri në -4 gradë, ndërsa maksimalja do të arrijë 9 gradë.

Zagreb  - Shefi i HDZ-së, kryeministri kroat Andrej Plenkoviq mbrëmë foli në shtabin zgjedhor të kandidatit presidencial, Dragan Primorac, por jo nga foltorja, duke pohuar se dallimi prej 30 për qind në mbështetje në dobi të presidentit aktual Zoran Millanoviq nuk është e pakalueshme. "Më vjen mirë që kandidati ynë hyri në rerthin e dytë. Prej nesër ka lojë të re, dy javë të reja. Besojmë në rezultat fitues për dy javë. Millanoviq nuk ka program. Mbisundoi tezë mediatike se të gjitha vezët nuk duhet të jenë në vendin e njejtë. I përkujtoj të gjithë qytetarët për të gjitha arritjet që i arriti qeveria - tërë atë e bëri qeveria, dhe jo Millanoviq. Nuk duam të na tërheqin drejt Rusisë, dëshirojmë Kroacia të nisë në drejtimin e duhur", tha Plenkoviq.

Beograd - Gjykata në Beograd sot pritet të njoftojë për gjykimin kundër Vlladimir dhe Miljana Kecmanoviq, prindërit e fëmijës i cili më 3 maj të vitit 2023 me pushkë vrau nëntë nxënës dhe një roje në shkollën fillore "Vlladisllav Ribnikar" në Beograd, si dhe plagosi edhe pesë nxënës dhe një mësuese. Gjykata do të marrë një vendim të shkallës së parë me të cilin mbrojtja dhe prokuroria do të kenë të drejtë të ankohen në Gjykatën e Apelit. Procesi gjyqësor nga vetë fillimi është i mbyllur për opinionin, por gjykimi do të bëhet publik.

Uashington  - Ish-presidenti amerikan, Xhimi Karter ndërroi jetë në moshën 101-vjeçare në shtëpinë e tij në shtetin Xhorxhia jugore, kumtoi mbrëmë fondacioni i tij. Karter, demokrat i cili u tërhoq nga jeta publike, ishte presidenti i 39-të amerikan, duke shërbyer një mandat (1977-1981). Ai ishte fitues i Çmimit Nobel për paqe, ndërsa prej shkurtit të vitit 2023 ishte nën kujdes paliativ shtëpiak.

Uashington  - Presidenti amerikan, Xho Bajden e shpalli 9 janarin ditë zie nacionale për Xhimi Karterin, duke iu bërë thirrje amerikanëve t'i vizitojnë vendet e tyre të lutjeve, "për t'i shprehur respekt" liderit të vdekur amerikan. "I bëj thirrje popullit amerikan të tubohen në atë ditë në vendet e tyre adekuate të lutjes, atje t'i shprehin respekt kujtimit të presidentit Xhejms Erl Karter të riut", theksoi Bajden në kumtesën e Shtëpisë së Bardhë. "U bëj ftesë njerëzve nga bota, të cilët e ndajnë pikëllimin tonë, të na bashkohen".

Uashington - Presidenti amerikan në largim, Xhozef Bajden kumtoi se funerali shtetëror i ish-presidentit Xhimi Karter do të mbahet më 9 janar në Uashington. Bajden e shpalli 9 janarin ditë zie nacionale në SHBA dhe urdhëroi që flamujt të qëndrojnë në gjysmë shtizë për 30 ditë. Xhimi Karter, presdienti i 39-të i SHBA-së dhe fitues i Çmimit Nobel për apqe, ndërroi jetë mbrëmë në moshën 101-vjeçare në shtpinë e tij në Plejns, Xhorxhia, kumtoi djali i tij Xhejms E. Karter i Treti.

Bruksel  - Bashkimi Evropian paralajmëroi për flotën ruse, të ashtuquajtur "në hije" dhe premtoi se do të ndërmarrë masa më të fuqishme pas sabotimit të përfolur të kabllos energjetike nënujore në afërsi të brigjeve të Finlandës. BE-ja "do të ndërmarrë hapa më të fuqishëm për t'iu kundërvënë rreziqeve nga ato anije", deklaroi shefja e politikës së jashtme të BE-së, Kaja Kallas për gazetën "Di Velt" në intervistën e publikuar sot. "Flota ruse në hije" e rrezikon mjedisin jetësor dhe e financon buxhetin ushtarak rus", tha Kallas, duke shtuar se anijet janë të dyshuara për akte të kryera të sabotimit.

 Adis Abeba   - Të paktën 70 persona humbën jetën në Etiopi pasi një autobus i mbipopulluar u rrëzua në një lumë, bënë të ditur autoritetet në rajonin jugor të Sidamës. Tragjedia ka ndodhur në zonën Bona. "Të mbijetuarit po marrin kujdes mjekësor në spitalin qendror në Bona", thuhet në kumtesë.

Manila  - Tërmet me fuqi prej 5,5 ballë sipas shkallës Rihter sot goditi rajonin Luzon të Filipineve, kumtoi Qendra Sizmike Mesdhetare Evropiane (EMSC). Sipas kumtesës, tërmeti është regjistruar në një thellësi prej 45 kilometra. Agjencia Sizmike e Filipineve, kumtoi se tani për tani nuk ka informata për dëm material, por janë të mundshme dridhje  të njëpasnjëshme për shkak të tërmetit të cekët.