9:00/ 9 janar/ 2025

Shkup - Ulje e dukshmërisë për shkak të mjegullës prej 20 - 30 m. ka në aksin rrugor Tetovë - Fshati Gajre, prej 100 - 150 m. në aksin rrugor Shkup - Veles, Veles - Shkup, Shkup - Kumanovë, Kumanovë - Shkup dhe kryqëzimi Hipodrom - Shkup, deri në 80m. në aksin rrugor Dellçevë - Makedonska Kamenicë dhe nga 50 - 100m. në qafën malore Gjavatë. Ura mbi lumin Vardar në rrugën rajonale R1312, në afërsi të Bashino Sellos, është e mbyllur për të gjitha llojet e komunikacionit, theksojnë nga LAMM.  Komunikacioni në rrugët shtetërore po zhvillohet pa ndërprerje, në kushte dimërore, nëpër rrugë kryesisht të lagështa. Intensiteti i komunikacionit në akset rrugore jashtë mjediseve urbane është mesatar. Në vendkalimet kufitare nga ana e Maqedonisë nuk ka vonesa të gjata për hyrje dhe dalje nga shteti. 

Shkup – Moti sot do të jetë me diell dhe relativisht i ngrohtë me vranësira të vogla deri mesatare dhe me erë të lehtë deri mesatare nga drejtimi jugor. Nëpër lugina në pjesën më të madhe të ditës moti do të jetë i qetë me paraqitje të mjegullës ose vranësira të ulëta. Temperatura minimale do të lëvizë në interval prej -2 deri 5, ndërsa ajo maksimale do të lëvizë prej 6 deri 15 gradë Celsius. Në Shkup moti do të jetë kryesisht i vranët dhe i qetë me paraqitje të mjegullës. Temperatura minimale do të bie deri në 2, ndërsa ajo maksimale do të arrijë deri 7 gradë Celsius.

Ankara - Zëvendës sekretari amerikan i Shtetit, Xhon Bas sot arriti për vizitë dyditore në Ankara, publikuan mediumet turke. Gjatë vizitës në Turqi, pritet që Bas të bisedojë për ngjajret më të reja në Siri dhe operacionet kundër Shtetit Islamik dhe Partisë Punëtore Kurde - PKK. Xhon Bas ishte ambasador i SHBA-së në Turqi nga viti 2014 deri në vitin 2017. Në takimet do të bisedohet edhe për pengimin që Siria të shfrytëzohet si "bazë për terrorizëm" dhe për eliminimin e përhershëm të Shtetit Islamik.

Berlin - Aleatët e Ukrainës dhe presidenti Vollodimir Zzelenski do të realizojnë takime në bazën ushtarake ajrore amerikane Ramshtajn në Gjermani për të biseduar për përkrahjen e vazhdueshme për Kievin në luftën me Rusinë. Ramshtajn është baza më e madhe ajrore jashtë SHBA-së dhe ishte nikoqire e takimeve të ngjashme prej se Rusia e ka sulmuar Ukrainën para pothuaj tre viteve. Sekretari amerikan i Mbrojtjes Lojd Ostin në konferencë i ka ftuar ministrat e Mbrojtjes dhe liderët e lartë ushtarakë nga vendet-anëtare të Kontakt grupit për Ukrainën. Si dhe në takimet e mëparshme në Ramshtajn, priten të marirn pjesë edhe përfaqësues nga vendet, të cilat nuk janë anëtare të NATO-s.

Los Anxhelos - Zjarr i ri pyjor shpërtheu në Los Anxhelos, tani në lagjen Holivud Hills, deklaroi në konferencë për shtyp shefja e shërbimit zjarrfikës në LA, Kristin Krouli. Kjo do të thotë se numri i zjarreve aktivë në qytet është rritur në gjashtë. Sipas Kroulit, zjarri mbrëmë është përhapur në rreth katër hektarë në rajonin Holivud Hills, që ka shkaktuar evakuim në tërë rajonin, i cili është qindra metra larg bulevardit të njohur Holivud. Situata edhe më tej është më e rëndë në Pacifik Palisades, mes dy kodrave me pamje të shkëlqyer në oqean. Ky është një nga rajonet më të shtrenjta urbane në SHBA. Aty jetojnë shumë yje filimike, televizive dhe muzikore, si Xhejmi Li Kertis, Mendi Mur dhe Mark Hamil, të cilët duhej t'i braktisnin shtëpitë e tyre.

Los Anxhelos– Të paktën pesë persona humbën jetën në zjarret të cilat shpërthyen rreth Los Anxhelosit, njoftuan autoritetet pasi në këtë zonë u regjistruan tashmë gjashtë zjarre nga e marta e deri më tani. Të paktën 1.500 objekte janë shkatërruar në qytetin e dytë për nga madhësia në SHBA, duke detyruar mbi 100.000 njerëz të largohen nga shtëpitë e tyre.  Erërat uragane edhe më shumë e vështirësuan situatën veçanërisht në zonën luksoze Pacifik Palisades – prona e paluajtshme më e dëshiruar në Kaliforni të cilën e favorizojnë personalitetet më të njohura të Holivudit.  Zjarr i ri shpërtheu mbrëmë në Holivud Hills, vetëm disa qindra metra nga bulevardi i njohur Holivud, që shkaktoi urdhër për evakuim në kryeqytetin e zbavitjes botërore.

Uashington - Presidenti amerikan Xhozef Bajden i zgjeroi sanksionet që synojnë kategoritë e individëve që u nënshtrohen sanksioneve amerikane për shkak të kontestimit të sovranitetit dhe integritetit territorial të vendeve nga Ballkani Perëndimor, minimit të marrëveshjeve të pasluftës dhe institucioneve dhe angazhimin në korrupsion të konsiderueshëm që minon sundimin e ligjit dhe besimin në institucionet demokratike dhe shmangien e sanksioneve të qeverisë amerikane.  Me atë urdhër ekzekutiv, Bajden ndërmori hapa shtesë, duke ndryshuar dhe plotësuar tre urdhra të lidhura me Ballkanin Perëndimor nga viti 2021, të cilat kanë të bëjnë me bllokimin e pronës dhe pezullimin e hyrjes në SHBA të individëve që kontribuojnë në destabilizimin e Ballkanit Perëndimor.

Los Anxhelos - Personalitete të shumta të njohura janë deklaruar për zjarret që kanë përfshirë pjesë të Los Anxhelosit dhe kanë prekur shtëpitë e tyre. Më shumë se 130 mijë persona janë detyruar të evakuohen për shkak të zjarrit, ndërsa erërat po kontribuojnë më tej në përhapjen e zjarrit. Situata është më e vështira në një nga lagjet më të pasura të SHBA-së, Pacifik Palisades. Aktori Billi Kristal dhe gruaja e tij Xhensin për Ej-Bi-Si deklaruan se humbën shtëpinë në atë lagje. "Fjalët nuk mund të përshkruajnë shkallën e shkatërrimit. Ndjejmë pikëllim për miqtë dhe fqinjët tanë që gjithashtu humbën shtëpitë dhe bizneset e tyre në këtë tragjedi. Xhenis dhe unë kemi jetuar në atë shtëpi që nga viti 1979. Aty kemi rritur fëmijët dhe nipërit. Çdo pjesë e shtëpisë sonë ishte e mbushur me dashuri”, tha ai.

Uashington – SHBA-ja duhet të ketë prani ushtarake në Siri që ta pengojnë grupin SHI përsëri të paraqitet si kërcënim pas rënies së qeverisë së Bashar al Asadit, deklaroi sekretari amerikan i mbrojtjes, Llojd Ostin.  Aty ende nevojiten forca amerikane, fillimisht për siguri të kampeve për dhjetëra mijëra ish luftëtarë të SHI dhe familje të tyre, tha shefi i Pentagonit në një nga intervistat e fundit për mediat amerikane.  Sipas vlerësimeve të ndryshme, në mes 8.000 dhe 10.000 luftëtarë të grupit janë në kampe, ndërsa të paktën 2.000 e tyre besohet se janë shumë të rrezikshme. 

Londër - Totenhemi mbrëmë në Londër e ka fituar Liverpulin me rezultatin 1:0 në ndeshjen e parë të Liga kupës angleze. Golin e vetëm e ka shënuar mesfushori 18-vjeçar suedez, Lukas Bergval në minutën e 86-të.  Në fillim të ndeshjes, mesfushori i Totenhemit, Rodrigo Bentakur ra në tokë pa vetëdije dhe u dërgua me barela jashtë fushës. Raportohet se gjendja e tij është stabile. Ndeshja kthyese do të luhet më 6 shkurt në Liverpul. 

Londër - Futbollisti i Totenhem, Rodrigo Bentankur, i cili e humbi vetëdijen gjatë gjysmëfinales së Kupës së Ligës mbrëmë kundër Liverpulit, ndihet më mirë. Uruguaiani nga spitali u dërgoi një mesazh tifozëve. "Gjithçka mirë, djema! Faleminderit për mesazhet! “Urime për fitoren e ekipit tim! – shkruan Bentankur në rrjetet sociale. Bentankur humbi vetëdijen në minutën e 8-të dhe e nxorrën nga fusha me barelë. Më vonë ai u bë më mirë dhe u hospitalizua për ekzaminime të mëtejshme.