Kurti u bëri thirrje qytetarëve të Kosovës që të mos e lartësojnë Faton Hajrizin
- Kryeministri i Kosovës, Albin Kurti u bëri thirrje qytetarëve të Kosovës që të mos e lartësojnë apo romantizojnë shtetasin e Kosovës dhe të arratisurin nga burgu, Faton Hajrizin i cili të premten u vra në Serbi.
- Post By Fami Bajrami
- 14:19, 24 korrik, 2024
![Kurti u bëri thirrje qytetarëve të Kosovës që të mos e lartësojnë Faton Hajrizin](https://mia.mk/images/20240724141926_big_730x400_62.webp )
Prishtinë, 24 korrik 2024 (MIA) - Kryeministri i Kosovës, Albin Kurti u bëri thirrje qytetarëve të Kosovës që të mos e lartësojnë apo romantizojnë shtetasin e Kosovës dhe të arratisurin nga burgu, Faton Hajrizin i cili të premten u vra në Serbi.
Hajrizi dyshohet për vrasjen e një polici serb dhe plagosjen e një tjetri.
Kurti në seancën e Qeverisë së Kosovës tha se për të ndriçuar rrethanat që kanë të bëjnë me arratisjen e fundit të Hajrizit nga burgu i Kosovës deri te arratisja në Serbi dhe vrasja e raportuar, nevojitet hetim vendor dhe ndërkombëtar, njoftojnë mediat e Kosovës.
“Ndërkohë u bëj thirrje qytetarëve të Kosovës që të mos bien në euforinë e heroizmit dhe romantizmit të Faton Hajrizit”, ka thënë Kurti.
Foto: arkivi i MIA-s