Bajden: Në protestat studentore për shkak të luftës në Gazë duhet të mbisundojë rendi
- Presidenti amerikan, Xhozef Bajden sot deklaroi se e drejta për protestë është e drejtë e garantuar demokratike, por heksoi se rendi duhet të mbisundojë pas trazirave mes policisë dhe studentëve të cilët protestuan në kampuset universitare në SHBA për shkak të luftës në Rripin e Gazës.
- Post By Arta Bunjaku
- 19:53, 2 maj, 2024
![Bajden: Në protestat studentore për shkak të luftës në Gazë duhet të mbisundojë rendi](https://mia.mk/images/20240502195319_big_730x400_44.webp )
Uashington, 2 maj 2024 (MIA) - Presidenti amerikan, Xhozef Bajden sot deklaroi se e drejta për protestë është e drejtë e garantuar demokratike, por heksoi se rendi duhet të mbisundojë pas trazirave mes policisë dhe studentëve të cilët protestuan në kampuset universitare në SHBA për shkak të luftës në Rripin e Gazës.
Bajden në Shtëpinë e Bardhë tha se shprehja e mendimit të ndryshëm është me rëndësi thelbëssore për demokracinë, por theksoi se e drejta e protestës asnjëherë nuk guxon të shkaktojë trazira.
Ai shtoi se protestat studentore nuk e kanë shtyrë ta rimendojë qasjen e tij ndaj luftës në Rripin e Gazës.
Para më shumë se një jave presidenti amerikan i dënoi "protestat antisemitike" në universitetet amerikane dhe, siç theksoi, "ata të cilët nuk kuptojnë se çka po ndodhë me palestinezët".
Zëdhënësja e Shtëpisë së Bardhë, Karin Zhan-Pjer, dje tha se Bajden "e ndjekë me vigjilencë situatën" dhe se disa demonstrata universitare e kanë kaluar kufirin që e ndaj lirinl e shprehjes nga sjellja e paligjshme, duke e cekur shembullin në Universitetin Kolumbia, ku, sipas saj, studentët me dhunë e morën ndërtesën. ab/
Foto: Х skrinshot