Тирана, 18 август 2026 (МИА) - Дваесетгодишен француски државјанин е пронајден без знаци на живот во раните утрински часови, на лежалка на плажа во Ксамил.

„Телото на жртвата, Мигел Мендес, на возраст од околу 20 години, е пронајдено утрово во 5:15 часот. Постојат основи на сомнение дека бил избоден со нож, од страна на Сократ Вата, на возраст од 29 години, од северниот албански град Хас, кој веднаш по инцидентот избегал, стои во полициското соопштение.

Полициските служби продолжуваат со проверките за пронаоѓање и апсење на осомничениот сторител.

Во меѓувреме, Истражната група е на местото на настанот и, под раководство на Обвинителството, работи на расветлување на околностите и целосно расветлување на случајот. вт/ссм/

Фото: скриншот