Питата со спанаќ е традиционално јадење кое совршено ја спојува крцкавата кора со сочен и фил. Идеална е како појадок, главен оброк или како вкусна закуска, а се подготвува релативно лесно со состојки кои често ги имаме дома.

Состојки за кората:

600 грама кори за пита (пожелно малку подебели)

За филот:

700 грама младо сирење
600 грама спанаќ (свеж или замрзнат)
3 јајца
2 лажици пченкарно брашно (палента)
2 мали лажички сол
1 мала лажичка прашок за пециво
150 мл масло (плус дополнително за попрскување на корите)

Подготовка:

Спанаќот одмрзнете го (доколку е замрзнат) и добро исцедете го од вишокот течност. Во длабок сад измешајте ги сирењето, јајцата, маслото, пченкарното брашно и прашокот за пециво. На крај додадете го спанаќот и добро соединете ја смесата. Подмачкајте ја тавата (околу 40×26 см) со малку масло и посипете со малку пченкарно брашно.
На дното ставете две кори така што ќе ги покријат и страните на тавата (ако користите потенки кори, ставете 3–4). Попрскајте со малку масло. Потоа ставајте изгужвани кори една врз друга додека не се покрие дното.
Прелијте половина од филот. Поставете уште две кори, попрскајте со масло и повторно додајте изгужвани кори. На крај ставете го остатокот од филот.
Рабовите од првите кори преклопете ги врз филот.

Одозгора ставете уште две кори и премачкајте со малку масло.
Печете во загреана рерна на 175°C околу 1 час и 15 минути. По желба, во првите 30 минути покријте со алуминиумска фолија, а потоа отстранете ја за да добие златна боја.

По печењето, по желба премачкајте со малку растопен путер, покријте со фолија и оставете да отстои најмалку 30 минути пред сервирање.

Фото: Фрипик