Џуба, 31 март 2026 (МИА) - Вооружени напаѓачи убија 73 лица во рудник за злато во Јужен Судан - соопштија владини претставници вчера, во насилство поврзано со спор за екстракцијата на злато.

Нападите се случија во саботата во близина на Џебел Ирак во државата Централна Екваторија на југот од земјата, изјави потпретседателот Џејмс Вани Ига. Најмалку 25 други се повредени, а некои избегале од местото на настанот. Властите предупредија дека бројот на жртви може да се зголеми додека потрагата по исчезнатите лица продолжува.

Останува нејасно која група е одговорна за нападот. Потпретседателот рече дека ќе биде поведена официјална истрага и дека ќе бидат зајакнати безбедносните мерки на рударските места и во трговските центри.

Чарлс Мадут, гувернер на државата Северен Бар ел-Газал на северозападниот дел од земјата, го осуди нападот опишувајќи го насилството врз невините цивили како неприфатливо и велејќи дека сторителите мора да бидат изведени пред лицето на правдата. мс/јт/

фото: Архива