Минск, 21 август 2026 (МИА) -    Белорусија ќе ја затвори својата амбасада во Финска почнувајќи на 1 септември, се наведува во резолуција усвоена од белоруската влада.

Финското Министерство за надворешни работи и белоруската амбасада во земјата не одговорија веднаш на барањата за коментар.

Финските власти претходно денеска соопштија дека се сомневаат дека руски разузнавачки авион Ил-20 го нарушил вчера финскиот воздушен простор во западниот Фински Залив.

Наводното прекршување траело околу три минути, а авионот влегол над територијата на земјата на околу 4,7 наутички милји (8,7 километри).

Властите соопштија дека започнале прелиминарна истрага. зш/