Мадрид, 20 декември 2025 (МИА) - Атлетико Мадрид е заинтересиран за потпишување на играчот од средниот ред на Баерн, Леон Горецка.

Според „АС“, 30-годишниот фудбалер би можел да се приклучи на клубот како слободен агент во летниот преоден рок, бидејќи Баерн нема намера да го продолжи договорот на Горецка, кој истекува во јуни 2026 година.

Јувентус и Наполи, исто така, наводно ја следат ситуацијата на играчот.

Според „Трансфермаркт“, моменталната пазарна вредност на Горецка се проценува на 15 милиони евра.

Горецка одигра 22 натпревари за Баерн во сезоната 2025/26, без да постигне гол. зс/

Фото: ЕПА