Kiev, 22 dhjetor 2025 (MIA) - Presidenti ukrainas Volodimir Zelenski deklaroi se detyra aktuale është të organizohet  vetë prodhimi i sistemeve për mbrojtje ajrore dhe raketave për to në Ukrainë, raportuan mediat ukrainase.

 Zelenski e deklaroi këtë në një fjalim gjatë një ngjarje solemne me rastin e Ditës së Personelit Diplomatik.

 "Ukraina duhet të ruajë lidershipin e saj në Evropë për sa i përket cilësisë dhe vëllimit të prodhimit të armëve. Duhet të shënojmë një tjetër arritje historike për Ukrainën - të organizojë prodhimin e sistemeve të mbrojtjes ajrore dhe raketave për to në Ukrainë, ose së bashku me partnerët tanë strategjikë. Kjo është ajo që do të ndryshojë ekuilibrin e fuqisë në rajonin tonë. Kjo është një detyrë jashtëzakonisht e vështirë, një detyrë strategjike. Për të mirën e Ukrainës, ajo duhet të përmbushet", u tha Zelenski diplomatëve.

 Ai shpjegoi se Ukraina tashmë po punon për krijimin e sistemeve të veta të mbrojtjes ajrore.

 "Këtu gjithçka varet nga aftësitë teknike të specialistëve tanë - sa shpejt mund ta arrijnë këtë. Megjithatë, sistemet për mbrojtje ajrore nuk krijohen shpejt. Megjithatë, ne jemi afër arritjes së rezultateve të duhura", tha presidenti.

 Ai shtoi edhe se Ukraina do të vazhdojë të punojë në kontrata që parashikojnë furnizimin e sistemeve për mbrojtje ajrore nga partnerët e saj përmes programeve të ndryshme.

 Foto: EPA