Shkup, 5 prill 2026 (MIA) - Kryeministri Hristijan Mickoski tha se të gjitha institucionet që gjenerojnë cilësi në arsimin e lartë duhet të jenë të qetë, por se nuk do të tolerohen raste sipas shembullit të zbuluar dje nga ministrja Vesna Janevska e cila njoftoi se kanë mbyllur një institut privat që punonte në një bastore.

"Nuk mund t'i tolerojmë ato sepse njëherë e përgjithmonë duhet të fillojmë të gjenerojmë cilësi, jo sasi, në arsimin e lartë. Qëllimi ynë nuk është të mbyllim askënd, qëllimi ynë është të ndalojmë së punuari ata që gjenerojnë cilësi të dobët, pra ata që fjalë po e paralizojnë arsimin e lartë”, tha Mickoski, duke u përgjigjur në pyetjen e gazetarëve nëse do të rishikohet neni 33, paragrafi 6 i ligjit të propozuar për veprimtarinë kërkimore shkencore i cili prek institutet private dhe vë në pikëpyetje punën e tyre.

Mickoski theksoi se Qeveria është e gatshme të pranojë argumente të shëndosha në lidhje me pakon e tre ligjeve për arsimin e lartë dhe shkencën, ku duke filluar nga nesër do të jetë në procedurë qeveritare, se askush nuk i refuzon institucionet e arsimit të lartë nga debati sepse, tha ai, debati është esenca. 

"Nga momenti kur hyjnë në procedurë qeveritare deri në miratimin e tyre, kemi javë dhe muaj për të punuar dhe sigurisht, nëse kemi institucione të tilla që ndihen të disavantazh, por gjenerojnë cilësi, atëherë më besoni, personalisht do të qëndroj në mbrojtje të tyre dhe personalisht në seancë qeveritare do të kërkoj ndryshim të atij neni", shton Mickoski, duke u përgjigjur në pyetjen e gazetarëve në konferencë shtypi kushtuar masave të reja për uljen e çmimeve të karburanteve.

Ministrja e Arsimit dhe Shkencës, Vesna Janevska, dje në përgjigjen e pyetjes së gazetarëve tha se duhet të vendoset rend në arsimin e lartë, sepse janë konstatuar shumë parregullsi me [ka periudhën e kaluar janë mbyllur 14 institute private.

Foto: arkivi i MIA-s