Shkup, 26 dhjetor 2025 (MIA) - Dua edhe një herë ta shfrytëzoj këtë rast për të falënderuar qytetarët e Maqedonisë, sepse duke qetësuar komunikacionin në Shkup,  drejtpërdrejt  kontribuan në uljen e numrit të të lënduarve që trajtohen në Qendrën e Traumatologjisë, tha ministri i Punëve të Brendshme, Pançe Toshkovski, duke folur për rezultatet e projektit "Qytet i Sigurt" në promovimin e 120 automjeteve të reja policore.

 Toshkovski theksoi se respektimi i rregullave është përmirësuar ndjeshëm që nga fillimi i projektit "Qytet i Sigurt", që u reflektua në një ulje drastike të paralajmërimeve dhe konkretisht në një ulje të numrit të të lënduarve.

 Ministri shpjegoi pse sistemi informon me një shpejtësi prej 50 km/orë, dhe jo me 57 km/orë.

"Qëllimi ynë është të ngasim në kuadër  të shpejtësisë së lejuar të shpejtësisë. Me një shpejtësi prej 30 km/orë - nga 10 persona të lënduar, dy vdesin, me një shpejtësi prej 50 km/orë - nga 10 persona të lënduar, tetë vdesin, sipas statistikave botërore. Prandaj, dua të përsëris se nëse respektojmë ligjet, shpëtojmë jetë", theksoi Toshkovski. 

 Ai paralajmëroi se sistemi së shpejti do të përshtatet dhe publiku do të informohet për fillimin e dënimit për kundërvajtjet.

"Së shpejti do ta informojmë publikun se kur do të fillojmë të japim informacione për dënimet, jashtëzakonisht për kundërvajtjet që do t'i nënshtrohen sanksionimit", shtoi ministri. 

Toshkovski informoi se automjetet që u promovuan sot nuk do të përdoren në projektin "Qytet i Sigurt". 

 "Këto automjete tani për tani nuk janë planifikuar të përdoren në kuadër të zbulimit të shkeljeve të komunikacionit nga sistemi inteligjent për zbulimin e shkeljeve të komunukacionit. Për këtë, kemi automjete të tjera që do të duhet të synojnë posaçërisht zbulimin e shkeljeve në komunikacion, ndalimin dhe parkimin e padrejtë", shpjegoi ai.

Foto: MIA