Paris, 7 prill 2026 (MIA) - Kriza aktuale e naftës dhe gazit e shkaktuar nga bllokada e Ngushticës së Hormuzit "është më serioze se krizat e viteve 1973, 1979 dhe 2022 së bashku", deklaroi Fatih Birol, shef i Agjencisë Ndërkombëtare të Energjisë (IEA) për gazetën "Le Figaro".

"Bota nuk ka përjetuar kurrë një ndërprerje të furnizimit me energji të këtij kapaciteti", tha ai në një intervistë për gazetën franceze të botuar sot.

Ai shtoi se vendet evropiane do të preken, ashtu si Japonia, Australia dhe të tjera, por se vendet në zhvillim do të jenë më të prekur, ku do të vuajnë nga çmimet më të larta të naftës dhe gazit, çmimet më të larta të ushqimeve dhe përshpejtimit të përgjithshëm të inflacionit.

“Vendet anëtare të IEA-s ranë dakord muajin e kaluar të lirojnë një pjesë të rezervave të tyre strategjike. Disa prej tyre tashmë janë liruar në treg dhe procesi është duke vazhduar”, tha Birol.

Në reagimin e sulmeve nga Izraeli dhe SHBA, Irani ka bllokuar pothuajse plotësisht trafikun në Ngushticën e Hormuzit, përmes së cilës kalojnë normalisht pothuajse 20 për qind e naftës dhe gazit botëror, duke shkaktuar një rritje të papritur të çmimeve të energjisë.

Foto: arkivi i MIA-s