Kjo sallatë franceze është e pasur dhe kremoze. Është ideale si parahaje ose si pjatë shoqëruese për tryezë festive. Përgatitet shpejt dhe kombinimi i djathit, ajkës së kosit dhe arrave i jep një shije të plotë dhe të veçantë.

Përbërësit:

500 gram djathë lope

2 ajka kosi (180 gramë secila)

500 gram proshutë

500 gram kastravecë të freskët

300 gram arra të grira

2–3 thelpinj hudhër

Kripë sipas shijes (kini kujdes, sepse djathi është tashmë i kripur)

Përgatitja:

Shtypni djathin mirë me pirun, pastaj shtoni ajkën dhe përziejini mirë derisa të përftoni një përzierje kremoze. Pritini proshutën dhe kastravecat e freskëta në katror të vegjël dhe shtojini në përzierje. Pastaj shtoni arrat e grira dhe hudhrën e grirë imët ose të shtypur. Përziejini mirë të gjitha. Nëse dëshironi, hidhni edhe pak arra të grira sipër për dekorim. Sallata është gati për t’u shërbyer.

Foto: Freepik