Lisbonë, 5 mars 2026 (MIA) - Kryeministri portugez Luis Montenegro e mbrojti dje vendimin e tij për t'i lejuar SHBA-së të përdorin bazën ajrore "Lahes" në Ishujt Azore të Portugalisë gjatë fushatës së bombardimeve kundër Iranit, duke kundërshtuar qëndrimin e Spanjës fqinje, e cila ka refuzuar kërkesat e tilla.

Marrëveshja afatgjatë midis Portugalisë dhe SHBA-së lejon Uashingtonin ta përdorë bazën pa miratim paraprak në kohë paqeje, por kërkon miratim nga Lisbona kur fillojnë armiqësitë.

Montenegro dje e njoftoi parlamentin se përdorimi i bazës nga ana e SHBA-së është në përputhje me ligjin portugez dhe marrëveshjet me SHBA-në. Autorizimi është dhënë për qëllime mbrojtëse, bazuar në domosdoshmëri dhe kundër objektivave ushtarake, në përputhje me të drejtën ndërkombëtare,” tha kryeministri i Portugalisë.

“Portugalia objektivisht ka marrëdhënie të ngushta me aleatin tonë, SHBA-në,” u tha deputetëve Montenegro, duke shtuar se “Irani vazhdimisht shkel normat ndërkombëtare me ambiciet e tij bërthamore dhe raketat me rreze të gjatë”, dhe duke e përshkruar Teheranin si një shtet sponsor të terrorizmit ndërkombëtar.

Qëndrimi i Portugalisë është në kundërshtim të fortë me qëndrimin e Spanjës, e cila e zemëroi presidentin amerikan Donald Tramp sepse refuzoi të japë leje për përdorimin e bazave të saj.”

Ai tha se qeveria beson se diplomacia duhet të jetë prioritet, por që nga fillimi i konfliktit, Iran ka sulmuar vende të tjera që nuk janë të përfshira në armiqësi. ls/

Foto: Arkivi i MIA-s