Paris, 18 mars 2026 (MIA) – Vizitorët e Kullës së Ajfelit prej tani mund të kalojnë përmes një urë të varur me litarë midis dy shtyllave të këtij atraksioni të famshëm parizian.

Atraksioni i përkohshëm, i cili u hap dje, shtrihet në 40 metra midis niveleve të para të shtyllës lindore dhe perëndimore të kullës dhe varet në afro 60 metra mbi tokë.

Deri dje pasdite ishte formuar një radhë e gjatë me banorë vendas dhe turistë të paduruar për ta provuar instalacionin, transmetoi DPA.

Është parashikuar që ura të qëndrojë e hapur deri më 3 maj dhe është e disponueshme për mbajtësit e biletave pas regjistrimit paraprak, pa shpenzime shtesë.

E përfunduar në vitin 1889, Kulla e Ajfelit – e njohur edhe si Dame de Fer (Zonja e Hekurt) – është një nga atraksionet më të njohura në Franca, por edhe në mbarë botën.

Vitin e kaluar, Kullën e Ajfelit e vizituan pak më pak se 7 milionë njerëz, ndërsa sheshi poshtë kullës, i cili është i lirë për qasje, priti rreth 10 milionë vizitorë. ls/

Foto: DPA