Shkup, 27 mars 2026 (MIA) - Ministri i Shëndetësisë, Azir Aliu sot në konferencë për shtyp zbuloi se një mjek i punësuar në shëndetësinë publike ka fituar 700 mijë denarë për një muaj, por nuk dha detaje se për kë bëhet fjalë dhe për cilin institucion shëndetësor.

"Edhe Ministria e Shëndetësisë edhe Qeveria i njohin institucionet, le ta zgjidhim këtë në mënyrë institucionale. Nuk duhet t'i jap detajet në një konferencë për shtyp sepse do të rrezikoja një sistem që nuk duhet të rrezikohet. Ne e dimë që puna jonë mund të përfundojë brenda dy javësh nga tani, por këto janë procedura dhe do të duhet institucionet e tjer t'i përpunojnë ato", tha ai.

Aliu nuk e përjashton mundësinë e përgjegjësisë penale për këtë praktikë. Paralajmëroi se do të fusin sisteme për regjistrim në vendin e punës me gjurmë të gishtit (finger print) për punonjësit shëndetësorë dhe tha se tashmë në klinika po testojmë një sistem të tillë. 

"Sistemi së pari do të futet në klinikat në Shkup, e më pas në klinikat e tjera në vend, në mënyrë që të mund t'i monitorojmë ligjërisht. Kemi situata ku mjekët kontrollojnë një pacient në javë, e të tjerë 100 pacientë në javë. Të dyja janë gabim. Duhet t'i monitorojmë dhe të krijojmë një sistem që, së pari, ne si Ministri do ta monitorojmë realisht dhe, së dyti, do të reagojmë në kohën e duhur", tha ministri.

Sipas Aliut, kishte institucione në të cilat puna shtesë kryhej dy herë më gjatë (41 përqind) sesa minimumi i përcaktuar me ligj, që është 20 për qind e orëve. Aliu informoi se situata të tilla ekzistojnë në shtatë klinika. Ai theksoi se dy specialistë nga i njëjti specializim kishin një ndryshim shumë të madh në numrin e operacioneve të kryera, njëri kishte 1.134, ndërsa tjetri 470. Në brendësi, siç theksoi, kishte mjekë që nuk kishin kryer asnjë operacion të vetëm për të gjithë vitin 2025.

Ministri Aliu informoi gjithashtu se ka një ndryshim të madh midis numrit të udhëzimeve të realizuara për gjashtë muaj në vitin 2025 - një mjek kishte 16.526 udhëzime të realizuara, ndërsa një mjek tjetër në një klinikë tjetër vetëm 7.352 udhëzime të realizuara. 

"Edhe pse bëhet fjalë për specializime të ndryshme, ne duhet të monitorojmë se si këto dallime janë të mundshme. Ka numra që janë të palogjikshëm për sistemin shëndetësor", tha Aliu dhe do të përcaktohet nëse kjo është rezultat i mungesës së zgjidhjeve ligjore apo i menaxhimit të atij institucioni.

Ai paralajmëroi se ministria e Shëndetësisë do të kërkojë informacione se sa kohë kalojnë mjekët e shëndetësisë publik në institucionet shëndetësore private.

"Me shumë vështirësi dhe energji arrijmë deri te të dhënat. Institucionet nuk i përditësojnë të dhënat për atë se sa është lista e pritjes, edhe pse kanë një detyrim ligjor. Mentaliteti duhet të ndryshojë. Dhe për këtë arsye do të punojmë paralelisht - si për zgjidhje ligjore ashtu edhe në terren me organet tona, të cilat kanë kompetencë për këtë", tha Aliu.

Mickoski dje nga foltorja e parlamentit foli për mjekët të cilët, me kujdestari dhe pagesa të tjera, arritën deri në shuma marramendëse të pagesave prej 10 mijë euro në muaj në institucionet publike shëndetësore. ls/

Foto: Arkivi i MIA-s