Shkup, 25 dhjetor 2025 (MIA) - Kryeministri Hristijan Mickoski sot në seancën për pyetje deputetësh në Kuvend, duke u përgjigjur në pyetjen nga lideri i LSDM-së opozitare, Venko Filipçe në lidhje me rritjen e çmimit të energjisë elektrike, theksoi se në periudhën e kaluar vazhdimisht ata e kanë manipuluar publikun me shifra për rritje çmimesh mbi pesë për qind, mbi dhjetë për qind, kështu që në fund doli që rritja të ishte 2 për qind e gjysmë.

"Kësaj pyetje ndoshta më së miri i përgjigjet anëtari i ri i Komitetit tuaj ekzekutiv, z.Bislimoski i cili është vëllai i kryetarit të Komisionit Rregullator, Marko Bislimoski. Komisioni Rregullator sipas ligjit është një organ i pavarur, me Kushtetutë është trup i pavarur, nuk e di pse po ma bëni mua këtë pyetje, supozoj se duhet ta pyesni Marko Bislimoskin, vëllai i të cilit tani është bashkëpunëtor i juaj në Komitetin ekzekutiv të LSDM-së dhe shpresoj se ai do t'ju japë përgjigje më të saktë se sa unë. Dhe pse e manipuluat publikun me rritje çmimesh mbi pesë për qind, pastaj mbi dhjetë për qind, pra nuk doli ajo shifër, doli 2 presje diçka për qind”, iu përgjigj Mickoski, Filipçes i cili ndër të tjera e pyeti se pse ata, si Qeveri në një vit e gjysmë të kaluar, nuk kanë bërë asgjë për të forcuar sektorin e energjisë.

Mickoski theksoi se gjatë një viti e gjysmë të kaluar, më shumë se 50 persona që shkatërruan atë që mbeti nga qeveria e mëparshme e VMRO-DPMNE-së, kur ai ishte drejtor i ELEM-it, ose janë nën hetim ose përballen me procedura ligjore kundër tyre, ndërsa një ish drejtor dhe ish zyrtar i lartë i LSDM-së është në arrati.

"Nëse është i pafajshëm, nëse është i ndershëm do të vijë këtu dhe do të përballet me organet dhe të japë deklaratë dhe të thotë pse është kështu. Ndoshta kur flisni për kapacitetet energjetike, mendoni edhe për kompanitë që në të kaluarën morën të drejtën ekskluzive për të importuar qymyr dhe për këto figura të caktuara publike dhe politikanë u shpërblyen me automjete të shtrenjta të cilët i vozisinin me autorizimin e kompanive të tilla dhe fondet u transferuan në vendet fqinje. A e keni këtë parasysh kur flisni për shkatërrimin e sistemit energjetik apo mendoni për kohën kur u blenë kimikate dhe mjete të tjera që nuk ishin të nevojshme për të shpërndarë provizione te ish zyrtarët e lartë të LSDM-së në rajonin e Vardarit, në rajonin e Pellagonisë, etj. A është kjo ajo për të cilën dhe mendoni në atë kur flisni për shkatërrimin e sistemit energjetik", tha Mickoski.

Do ju rikujtoj, shtoi ai, në gusht të vitit 2017, zero borxhe, 25 milionë euro depozita dhe diku rreth 380 milionë denarë në llogari të SHA ELEM të atëhershme dhe zero borxhe, paga të paguara, në gusht të vitit 2024, 7 për qind e akumulimeve të energjisë elektrike, zero zbulime qymyri në KME Manastir, rreth 20 - 30 mijë ton në deponi, blloqe të pariparuara në KME Manastir, Osllomej, një situatë kataklizmi dhe borxhe prej më shumë se 150 milionë eurosh.

Ai iu referua edhe platformës antikorrupsion të LSDM-së, duke vënë në dukje se duke vepruar kështu, ata vetëm sa u tregojnë më tej qytetarëve pse kanë humbur vazhdimisht zgjedhjet shtatë herë radhazi dhe pse tani më datën 11 do të humbin përsëri.

"Dhe unë po ju them, do të keni një debakël në zgjedhjet e ardhshme parlamentare dhe do të humbni përsëri nëse vazhdoni kështu", theksoi Mickoski.

Foto: printskrin