Paris, 24 shkurt 2026 (MIA) - Presidenti i Francës, Emanuel Makroni theksoi se katër vite pas fillimit të pushtimit të Ukrainës, Rusia nuk ka pasur sukses "ushtarak, ekonomik dhe strategjik".

"E ka forcuar NATO-n, të cilin donte ta shmangte të zgjerohej, ka bashkuar evropianët, të cilët donte t’i dobësonte, dhe ka zbuluar paqëndrueshmërinë e imperializmit të një epoke tjetër. Ukraina është "linja e parë e mbrojtjes së kontinentit tonë" dhe Evropa do të qëndrojë në anën e saj", theksoi Makroni në X.

Ai siguroi se furnizimi me pajisje ushtarake dhe trajnim do të vazhdojë "në mënyrë që Ukraina të rezistojë dhe që Rusia të kuptojë se koha nuk është në anën e saj".

Njëzet e shtatë vendet e BE-së, nuk arritën të bien dakord për sanksione të reja kundër Rusisë për shkak të vetos së Hungarisë, e cila gjithashtu bllokoi miratimin e një huaje prej 90 miliardë eurosh për Ukrainën, për të cilën liderët e BE-së u pajtuan në dhjetor.

Makroni sot theksoi se asgjë nuk e justifikon "vënien në dyshim" të këtij projekti. Ai shtoi se do të sigurohet që "interesat evropiane të merren parasysh në diskutimet" për rikthimin e paqes në Ukrainë. qa/

Foto: Arkivi i MIA-s