Shkup, 14 mars 2026 (MIA) – Sot në Shkup do të mbahet një konferencë ndërkombëtare për aspektet institucionale dhe klinike dhe zgjidhjet pas zjarrit në Koçan. Në konferencë do të marrin pjesë përfaqësues të lartë shtetërorë, ekspertë ndërkombëtarë dhe profesionistë kryesorë mjekësorë nga rajoni dhe Evropa.

Fjalimet hyrëse nga kryeministri Hristijan Mickoski, Ministri i Shëndetësisë Azir Aliu dhe Ministri i Punëve të Jashtme dhe Tregtisë së Jashtme Timço Mucunski janë planifikuar për në orën 9:30 në DoubleTree by Hilton. Pas kësaj do të ketë një moment të shkurtër përkujtimor kushtuar viktimave dhe pasojave të tragjedisë.

Tema e panelit të parë me titull "Mekanizmi Evropian i Mbrojtjes Civile dhe Përgjigja Ndërkombëtare" do të jetë reagimet ndërkombëtare pas zjarrit, koordinimi midis vendeve dhe aktivizimi i mekanizmave evropianë për situata emergjente.

Panelistë janë Ivica Tomovski, drejtor i SHÇPP-së, Sien Vanlomel, DG ECHO – ERCC, Dr. Igor Merdzhanovski, Drejtor i TOARKIQE, Pance Toshkovski, Ministër i Punëve të Brendshme, Vlado Misajlovski, Ministër i Mbrojtjes dhe Valentina Atanasovska, Enti Shtetëror i Statistikës, departamenti për bashkëpunim ndërkombëtar.

Paneli i dytë, "Reagimi Kombëtar dhe Ndërkombëtar Shëndetësor dhe Trajtimi Akut i Djegieve", përqendrohet në reagimin mjekësor, triazhin, procedurat e emergjencës dhe trajtimet komplekse të djegieve.

Panelistët do të jenë prim. dr. Jasmina Gorgjievska, drejtoreshë e KU për Kirurgji Plastike, prof. dr. Marija Sërceva, anesteziologe, TOARKIQE, Dr. Elizabeta Oboçki, kirurge plastike, doc. dr. Marko Joviq, Qendra Klinike e Serbisë, Dr. Krisagi Ginaki, intensivist, Spitali Papanikolau - Selanik dhe Dr. Vlatko Zahariev, Drejtor i SP Shtip.

Qasja multidisiplinare, rehabilitimi dhe rikuperimi do të jenë në fokus të panelit të tretë, ku do të marrin pjesë dr. Katerina Mirçovska, drejtoreshë e SP Koçan, prof. dr. Slavica Arsovska, drejtore e KU për Psikiatri, prof. dr. Maja Argirova, Pirogov, Bullgari, dr. Bozhidar Popovski, pneumolog, prof.dr. Katerina Damevsja, drejtore e KU për dermatologji dhe dr. Simona Jovanovska, Fiziatre, OB Koçani.

Paneli "Nga përvoja te zgjidhjet - Roli i Komunitetit dhe Institucioneve" fillon me video-mesazhe nga pacientët dhe vazhdon me një diskutim për të mësuarit institucional , mbështetjen humanitare dhe nevojën për reforma sistemike.

Panelistët janë Dr. Vladko Grozdanov, kryetar i Komunës së Koçanit, Sait Saiti, Sekretar i Përgjithshëm i Kryqit të Kuq, dr. Nebojdha Nastov, KU "Shën Naumi i Ohrit", dr. Besnik Hamiti, kabinet i Ministrit të Shëndetësisë dhe Dr. Nadia Depetris, kryetare e Shoqatës Evropiane të Djegieve (EBA).

Konferenca përfundon me një prezantim nga Ministri i Shëndetësisë, Azir Aliu, për zgjidhjet kombëtare, dhënien e certifikatave të mirënjohjes për institucionet shëndetësore dhe një fjalim zyrtar nga Presidentja Gordana Siljanovska-Davkova. ls/

Foto: Arkivi i MIA-s