Uashington, 14 shkurt 2026 (MIA) - Agjencitë federale amerikane në vit humbin qindra milionë ose miliarda dollarë për shkak të  pagesave të panevojshme ose të gabuara të beneficioneve, duke përfshirë pagesat për persona të vdekur. Shkaku për pagesat e gabuara është më shpesh ndarja e parakohshme e të dhënave midis agjencive federale, por edhe kontrolli i dobët.

Në tentim për t'i dhënë fund pagesave të gabuara dhe derdhjes së mjeteve buxhetore, në vitin 2020 u miratua Ligji për ndërprerjen e pagesave të gabuara për personat e vdekur, me kohëzgjatje prej tre viteve.

Me qëllim që masa e përkohshme të bëhet zgjidhje e përhershme ligjore, senatori Xhon Kenedi (republikan nga Luiziana) më 28 janar 2025 ka parashtruar Propozim-ligj për ndërprerjen e pagesave të gabuara për personat e vdekur. Ligji i Kenedit u miratua nga Dhoma e përfaqësuesve dhe Senati më 12 janar të këtij viti. Ligjin për ndërprerjen e pagesave të papërshtatshme për personat e vdekur më 10 shkurt e ka nënshkruar presidenti amerikan, Donald Tramp, ndërsa do të hyjë në fuqi në dhjetor të vitit të ardhshëm.

“Shfrytëzimi i amerikanëve të vdekur për të mashtruar taksapaguesit është diçka më e ulët që mund të bëhet. Shumë amerikanë i kanë parë këto mashtrime si zhvillohen në tërë vendin tonë dhe janë të lodhur nga mënyra se si mashtruesit e manipulojnë sistemin, po ashtu edhe unë. Kjo është arsyeja pse e shkrova këtë ligj, të bazuar me mendje të shëndoshë për t'i dhënë fund përgjithmonë këtij abuzimi të egër dhe jam mirënjohës që presidenti Tramp e nënshkroi atë në ligj në mënyrë që të sigurohemi se paratë e taksapaguesve të shkojnë tek amerikanët e gjallë, që kanë vërtet nevojë për ndihmën tonë”, tha senatori Kenedi.

Sipas ligjit të ri, Administrata për sigurim social (SSA) nga dhjetori do të duhet të ndajë përgjithmonë bazën e të dhënave të individëve të vdekur me Ministrinë e Financave, për të parandaluar pagesat e gabuara. Të dhënat do të jenë gjithashtu të disponueshme për agjencitë e tjera federale, të autorizuara për të përdorur sistemin e Ministrisë së Financave - Mos paguaj. Supozohet se me këtë do të pengojë miliona dollarë pagesa të gabuara, të tilla si ato gjatë pandemisë, kur shuma të konsiderueshme shkuan tek individët e vdekur. Vlerësohet se do të kursejë rreth 33 milionë dollarë në vit.

Ashtu si ai i mëparshmi, ky ligj u mbështet edhe nga republikanët edhe nga demokratët. bsh/

Foto: MIA arkiv