Teheran, 26 maj 2026 (MIA) - Irani sot kumtoi se mbrojtja e tij ajrore iu përgjigj aktivitetit ushtarak amerikan pasi Uashingtoni paralajmëroi sulme ndaj objektivave brenda vendit, pavarësisht një armëpushimi të vazhdueshëm dhe bisedimeve për t'i dhënë fund luftës. 

Garda Revolucionare Islamike e Iranit (IRGC) e Iranit paralajmëroi kundër çdo shkeljeje të armëpushimit nga Shtetet e Bashkuara të Amerikës dhe këmbënguli në të drejtën e Iranit për t'u hakmarrë, transmetoi DPA.

IRGC-ja kumtoi se kishte qëlluar mbi një dron amerikan RQ-4 dhe një aeroplan luftarak F-35, ndërsa gjithashtu dhe kishte zbuluar një dron amerikan MQ-9 Reaper.

Agjencitë iraniane të lajmeve Fars dhe Tasnim njoftuan se një dron amerikan MQ-9 ishte rrëzuar.

Ushtria amerikane mbrëmë kumtoi se kishte kryer sulme në Iranin jugor, duke synuar vendet e raketave në jug të vendit dhe duke sulmuar anije pranë Ngushticës së Hormuzit që dyshohet se po vendosnin mina në rrugën ujore strategjike.

Ushtria amerikane i përshkroi operacionet si "sulme vetëmbrojtëse" që synonin mbrojtjen e trupave nga kërcënimet e paraqitura nga ushtria iraniane.

Është e paqartë nëse kumtesa e IRGC-së në lidhje me rrëzimin e dronit dhe aeroplanit luftarak amerikan i referohet këtyre incidenteve apo konfrontimeve të reja sot. rq/

Foto: EPA