Teheran, 7 prill. 2026 (MIA) - Irani ka prezantuar një propozim prej 10 pikave për ndërprerje të konfliktit me SHBA-në dhe Izraelin, që ndët të tjera, parashikon vendosje të taksave prej rreth dy milionë dollarëve për një anije për kalim në Ngushticën e Hormuzit, ndërsa të ardhurat do të përdoren për rindërtimin e infrastrukturës të shkatërruar nga sulmet amerikane dhe izraelite.

Dy funksionarë të lartë iranianë, duke folur nën kushtin për të mbetur anonimë, thanë se propozimi përfshin garanci se irani nuk do të sulmohen sërish, fund të sulmeve izraelite ndaj Hezbollahut në Liban dhe heqje të të gjitha sanksioneve, publikoi "Njujork tajms".

Për kundërpërgjigje, irani do ta pezullojë de fakto bllokadën e kalimit dhe do t'i ndajë të ardhurat me Omanin, ndërsa gjithë propozimi do të përfshijë një protokoll për kalim të sigurt, rindërtim të infrastrukturës dhe kalim të armiqësive rajonale.

"Aksios paraprakisht raportoi, duke cituar burime amerikane, izraelite dhe rajonale, se SHBA-ja, Irani dhe ndërmjetësit rajonalë po diskutojnë një armëpushim të mundshëm 45-ditor si pjesë e një marrëveshjeje dyfazore që mund të çojë në një përfundim të përhershëm të luftës. Marrëveshja, e quajtur paraprakisht "Marrëveshja e Islamabadit", do të përfshinte një kornizë rajonale për ngushticën, me bisedime përfundimtare ballë për ballë në Islamabad.

Përfaqësuesit iranianë paraprakisht deklaruan se therani kërkon armëpushim të përhershëm me garanci se nuk do të sulmohen sërish nga SHBA-ja dhe Izraeli. mb/

Foto: MIA