Shkup, 25 dhjetor 2025 (MIA) - Ministri i Mjedisit Jetësor dhe Planifikimit Hapësinor, Muhamed Hoxha, theksoi se Ministria vazhdon të zbatojë masa kundër ndotjes së ajrit. Ai theksoi se Plani i Veprimit, i cili është në fuqi që nga nëntori i vitit 2025, është duke u zbatuar.

"Ministria vazhdon të zbatojë të gjitha masat që kanë të njëjtin qëllim - përmirësimin, pra mbrojtjen e mjedisit nga ndotja. Plani i Veprimit është duke u zbatuar, një plan afatshkurtër dhe specifik, të cilin Qeveria e votoi në tetor dhe është në fuqi nga nëntori 2025 deri në mars 2026. Ndotja është një problem që i shqetëson të gjithë qytetarët dhe ata duhet të jetojnë në ajër më të mirë", tha Hoxha, duke iu përgjigjur pyetjes parlamentare të deputetit nga E Majta, Rexhep Ismail.

Ai thekson se po zbatohet edhe një plan afatgjatë nga viti 2024 deri në vitin 2030.

Lidhur me pyetjen e Ismailit nëse është koha e duhur që të hiqet përkohësisht leja A e integrimit e USJE-s deri në zgjidhjen e rezultatit të kallëzimit penal të ngritur nga kryetarja e Qytetit të Shkupit, Danela Arsovska, Hoxha tha se meqenëse është ministër në ditën e parë të detyrës, do t'i përgjigjet deputetit me shkrim. sa/

Foto: Printskrin nga video