Katar, 18 mars 2026 (MIA) - Sistemet e mbrojtjes ajrore të Emirateve të Bashkuara Arabe sot kanë kapur gjithsej 13 raketa balistike dhe 27 dronë të lansuara nga Irani.

Që nga fillimi i tensioneve në Lindjen e Mesme, mbrojtja ajrore e EBA -së ka neutralizuar gjithsej 327 raketa balistike, 15 raketa kryqëzuese dhe 1.699 dronë.

Si rezultat i këtyre sulmeve, dy ushtarë u vranë në krye të detyrës, si dhe gjashtë qytetarë të Pakistanit, Nepalit, Bangladeshit dhe një palestinez.

Gjithsej 158 persona janë plagosur në shkallë të ndryshme, përfshirë edhe rëndë. Midis të plagosurve janë qytetarë të Emirateve të Bashkuara Arabe, Egjiptit, Sudanit, Etiopisë, Filipineve, Pakistanit, Iranit, Indisë, Bangladeshit, Sri Lankës, Azerbajxhanit, Jemenit, Ugandës, Eritresë, Libanit, Afganistanit, Bahreinit, Komoreve, Turqisë, Irakut, Nepalit, Nigerisë, Omanit, Jordanisë, Ganës, Indonezisë, Suedisë dhe Tunizisë.

Ministria e Mbrojtjes theksoi se vendi mbetet plotësisht i përgatitur për t'iu përgjigjur çdo kërcënimi dhe do t'i rezistojë çdo përpjekjeje për të minuar sigurinë kombëtare, duke siguruar mbrojtjen e sovranitetit, stabilitetit dhe interesave kombëtare të saj. mb/

Foto: MIA