Frankfurt, 24 shkurt 2026 (MIA) - Numri i mjekëve të huaj të cilët punojnë në Gjermani është më shumë se dyfishi gjatë 10 viteve të fundit, treguan të dhënat zyrtare të publikuara sot, duke theksuar rëndësinë e migrimit për sektorin e shëndetësisë, njoftoi DPA. 

Në vitin 2024, 64.000 mjekë, që përfaqësojnë 13 për qind të të gjithë mjekëve, nuk kishin nënshtetësi gjermane, krahasuar me 30.000, ose shtatë për qind, në vitin 2014, kumtoi shërbimistatistikor në vend, siç transmetohet nga agjencia gjermane.

Gjithsej 121.000 mjekë migrantë, duke përfshirë ata që kanë fituar nënshtetësinë që atëherë, punuan në mjekësinë e përgjithshme dhe stomatologji në vitin 2024, duke përfaqësuar pothuajse 25 për qind të të gjithë mjekëve.

Saktësisht 42 për qind e mjekëve të rinj në Gjermani kanë qenë në vend për më pak se 10 vjet, treguan të dhënat nga shërbimi statistikor.

Autoritetet gjermane në vitin 2024 njohën 7.000 diploma mjekësore të fituara jashtë vendit, prej të cilave 21 për qind e të cilave u fituan nga gjermanë të cilët studiuan mjekësi jashtë vendit, transmeton DPA.

Nuk është e pazakontë që gjermanët të shpërngulen jashtë vendit për të marrë një diplomë mjekësore, pasi vendi ka kufizime të rrepta për pranim.

Grupi i dytë më i madh midis diplomave të huaja të njohura janë ato të qytetarëve sirianë, transmeton DPA. 

Foto: DPA