Shkup, 6 mars 2026 (MIA) - Me ndërrimin e pushtetit, edhe ekonomia është përmirësuar - në dy tremujorët e parë të vitit 2024, rritja mesatare e PBB-së ishte 2,3 përqind, ndërsa në dy tremujorët e ardhshëm 3,6 përqind. Nuk e them këtë rastësisht. Në tremujorin e fundit patëm rritje prej 3,8 përqind, ose dy tremujorë radhazi prej 3,8 përqind, që tregon se me ndërrimin e pushtetit, ekonomia pret sinjale pozitive nga Qeveria. Kjo është konfirmuar në këto më shumë se një vit e gjysmë me faktin se në tremujorin e fundit kemi rritje prej 3,8 përqind, që është më shumë se rritja mesatare që patëm në dy tremujorët e parë të ndërrimit të pushtetit, tha sot ministrja e Financave Gordana Dimitrieska-Koçoska në panelin "Rritja e Ekonomisë - Siguria Ekonomike e Qytetarëve" që u mbajt në Qeveri.

Dimitrieska-Koçoska vuri në dukje se për të gjithë periudhën e qeverisë së mëparshme, rritja mesatare e PBB-së ishte 1.9 përqind, dhe në dhjetë vitet e qeverisjes së VMRO-DPMNE-së ishte 3.2 përqind.

"Kompanitë e Maqedonisë operojnë në kushte të pasigurisë globale, e cila në pothuajse të gjitha vendet evropiane krijon rezultate në rënie kur bëhet fjalë për PBB-në. Ne gjithashtu kemi partnerë ekonomikë që po hyjnë në minus, dhe ekonomia jonë ka treguar se është e qëndrueshme dhe shumë rezistente, e qëndrueshme ndaj sfidave globale", vlerësoi ministrja.

Sipas saj, çelësi që ndryshoi rrjedhat ekonomike dhe përmirësoi rezultatet është linja e kredisë hungareze e marrë nga Qeveria.

"Shifrat tregojnë se linja hungareze u mor në kohën e duhur. Sektori privat mori kredi me kushte shumë të favorshme, 224 milionë euro u tërhoqën plotësisht dhe kjo është ajo që u investua, ato investime arritën të mbështesin ekonominë dhe të shtojnë vlerë, me të cilën arrijmë norma rritjeje. Momenti i dytë kyç me ndryshimin e pushtetit është se kreditë e korporatave kanë shënuar vazhdimisht një rritje prej 15 përqind", theksoi Dimitrieska-Koçoska.

Në panel diskutimin marrin pjesë edhe zëvendëskryeministri dhe ministri i Transportit Aleksandar Nikolloski, si dhe ministri i Bujqësisë, Pylltarisë dhe Ekonomisë së Ujërave, Cvetan Tripunovski. sa/

foto: printskrin