Gostivar, 11 janar 2026 (MIA) - Kandidati për kryetar të komunës së Gostivarit nga koalicioni Aleanca Kombëtare për Integrim (AKI), Valbon Limani ka ushtruar të drejtën e tij të votës dhe votoi në qendrën e votimit në Shkollën Fillore "Bashkimi".

"Sot votova me familjen time. Kjo është një ditë zgjedhjesh e bekuar me borë dhe shpresoj se do të kalojë në një atmosferë të qetë, të drejtë dhe demokratike. Sipas analizave tona që kemi bërë në fund të ditës së zgjedhjeve, shpresoj se ne do të festojmë", tha Limani.

Ai është kandidat i AKI-së në zgjedhjet e përsëritura njësoj si në raundin e parë të zgjedhjeve lokale. Limani pati një avantazh të madh para kandidatëve të tjerë, por për shkak të pjesëmarrjes së pamjaftueshme, votimi u përsërit.

Foto: MIA