Shkup, 25 dhjetor 2025 (MIA) - Askush nuk mund ta parashikonte që fermerët në Greqi do të hynin në grevë për ditë me radhë pikërisht tani. SHA EMV, e cila është nën Qeverinë dhe Ministrinë e Energjisë nuk ka kompetenca mbi të, i ka kryer prokurimet e saj sipas planit të prokurimit, por ne jemi përgjegjës dhe po shpallim një krizë shtatëditore, tha ministrja Sanja Bozhinovska në përgjigje të pyetjeve të deputetëve në lidhje me gjendjen e krizës së shpallur në furnizimin me energji elektrike për shkak të mungesës së energjisë.

Deputetja e BDI-së, Rina Ajdari pyeti pse me kohë nuk u ndërmorën hapa për të mbrojtur qytetarët nga tronditja e çmimeve me rritjen e re të çmimeve të energjisë elektrike, duke thënë se kjo "nuk është një krizë energjetike, por një krizë papërgjegjësie". 

"Si qeveri e përgjegjshme, ne pa kompensim do t'i japim rezervat e mazutit. Do t'i mundësojmë kompanisë SHA EMV të marrë rezervat e mazutit në mënyrë që kur të ndalojnë grevën fermerët grekë, ata të vazhdojnë të furnizohen me mazut", tha Bozhinovska në seancën e pyetjeve të deputetëve.

Lidhur me rritjen e çmimit të energjisë elektrike, ajo theksoi se çmimet përcaktohen nga Komisioni Rregullator i Energjisë.

Ajo theksoi se ligji i ri, i cili, është implementuar plotësisht nga Bashkimi Evropian, për herë të parë prezanton masa për varfërinë energjetike.

"Po ofrojmë ndihmë financiare dhe masa të tjera, që do të thotë se për herë të parë po e prezantojmë konceptin e varfërisë energjetike. Kjo do të thotë që përveç sigurimit të parave për qytetarët e cenueshëm, kemi një masë që gjatë dimrit parandalon përjashtimin e qytetarëve të varfër, gjë që nuk ka ndodhur kurrë më parë", shtoi Bozhinovska. qa/

Foto: printskrin