Uashington, 23 dhjetor 2025 (MIA) - Armata amerikane sulmoi edhe një anije tjetër të dyshuar për kontrabandë droge në Oqeanin Paqësor lindor, pas çka duke vrarë një person, konfirmoi komanda Jugore e SHBA-së (SOUTHKOM). 

Më 22 dhjetor, me urdhër të ministrit të Mbrojtjes, Pit Hegset, task grupi jugor operativ i përbashkët kreu një sulm ushtarak vdekjeprurës ndaj një anijeje të profilit të ulët të operuar nga një organizatë e shpallur nga SHBA-ja si terroriste në ujërat ndërkombëtare, publikoi komanda Jugore në Iks, duke shtuar se asnjë anëtar i shërbimit amerikan nuk u plagos.

Sulmi është pjesë e një fushate më të gjerë të quajtur Operacioni tas jugorë, për të cilën administrata e presidentit, Donald Tramp, thotë se synon të godasë trafikun e drogës.

SHBA kanë vendosur forca ushtarake pranë brigjeve të Venezuelës në muajt e fundit dhe kanë kryer sulme ndaj anijeve që besohet se janë të përfshira në trafikun e drogës. Në të njëjtën kohë, Trampi ka kërcënuar vazhdimisht me një ndërhyrje të mundshme tokësore kundër qeverisë së presidentit venezuelan, Nikolas Maduro.

Qeveria e Venezuelës dhe Maduro kategorikisht mohojnë çdo përfshirje kriminale dhe akuzojnë SHBA-në se po përpiqen të përmbysin regjimin në pushtet dhe të marrin nën kontroll fushat e naftës të Venezuelës. rq/

Foto: Iks