Шпилберг, 27 јуни 2025 (МИА) - Џорџ Расел го постави најбрзото време на првата слободна тренинг сесија во Формула 1 пред Големата награда на Австрија, со која возачот на Мерцедес ја продолжи својата добра серија од Канада. Тој заврши пред светскиот шампион Макс Верстапен и лидерот во шампионатот кај возачите, Оскар Пјастри.

На првата тренинг сесија на Ред Бул Ринг, исто така, се појавија и некои нови лица, вклучувајќи го и Алекс Дан. Лидерот во Формула 2 го замени Ландо Норис во автомобилот на Мекларен, станувајќи првиот Ирец на патеката по 22 години. Тој импресионираше со четвртото најбрзо време, 0,224 секунди побавно од најдоброто. Дино Бегановиќ го замени Шарл Леклер во Ферари.

Дан беше меѓу првите на патеката во викендот каде што неговиот автомобил и голем број други ги тестираа своите ажурирања. Ирецот беше единствениот на меки гуми на стартот, а другите на средни и тврди гуми.

И болидите на Верстапен и на Ферари имаа мали технички проблеми, што му овозможи на Расел да постави најбрз круг од 1:05.542 минути откако премина на меки гуми. Верстапен беше втор, 0,065 секунди зад него, а Пјастри трет, 0,155 секунди зад него. дс

Фото: Архива