Сао Паоло, 3 ноември 2024 (МИА) – Бразилецот Габриел Бортолето ќе дебитира следната сезона во Формула 1 како возач на Заубер, јавија денеска светските медиуми.
Според информациите, Бортолето ќе го замени Валтери Ботас и ќе биде новиот клупски колега на Нико Хулкенберг. Германецот,пак, ќе пристигне во Заубер во тимот од Хаас.
Бортолето (20) ја освои серијата во Формула 3 како дебитант минатата година и е лидер на табелата во Формула 2 оваа сезона.
Бразилскиот возач потекнува од академијата на Мекларен, но директорот на тимот Андреа Стела неодамна рече дека Бортолето има одврзани раце доколку добие понуда од тим во Формула 1. ег

ФОТО: Фејсбук