• четврток, 20 март 2025

Тур де Франс 2027 ќе стартува од Велика Британија

Тур де Франс 2027 ќе стартува од Велика Британија


Париз, 20 март 2025 (МИА) – Реномираната велосипедска трка Тур де Франс ќе стартува во Единбург во 2027 година со три почетни етапи во Шкотска, Англија и Велс пред велосипедистите да се упатат кон Франција.
Ова ќе биде трет пат Тур де Франс да стартува од Велика Британија, по Лондон во 2007 година и Јоркшир во 2014 година, а последната етапа на британско територија беше дочекана со огромен ентузијазам, привлекувајќи повеќе од три милиони луѓе кои се собраа на рутата.
Детали за градовите во кои ќе се одржуваат етапите сè уште не се откриени, но се знае дека по Единбург, трката ќе продолжи кон Англија, додека третата етапа ќе го посети Велс, прв пат во историјата на Тур де Франс.
По ден одмор, велосипедистите ќе се префрлат во Франција, најверојатно, со авион.
Единбург ќе биде петти старт на Тур де Франс, надвор од границите на Франција во последните шест години, по Копенхаген (2022), Билбао (2023), Фиренца (2024) и Барселона следната година. ег
ФОТО: Фејсбук

Остани поврзан