Тричковски со два нови гола за АЕК Ларнака, двата од пенал
Ларнака, 25 јануари 2020 (МИА) - Екипата на АЕК Ларнака се искачи во топ шест на табелата во кипарското фудбалско првенство што носи разигрување за шампионската титула, но и за излез на меѓународната сцена во наредната сезона.
Најзаслужен за тоа е крилниот напаѓач на македонската репрезентација, Иван Тричковски кој беше двоен стрелец во триумфот над директниот конкурент за плејофот, АЕЛ Лимасол со 3:1.
Тричковски беше стартер за АЕК, првиот погодок од белата точка го реализира во 15. минута, вториот во 54. минута и од игра беше повлечен во 67. минута.
Лидер на табелата во шампионатот на Кипар е Анортозис со 36 бода, четири повеќе од Омонија. Трет е АПОЕЛ со 31 бода, а горниот дел го заокружуваат Аполон со 29, АЕК Ларнака со 25 и Неа Саламис со 23. сѓд/
