• среда, 19 јуни 2024

Средба Гаши - Грегоријан, една од темите натамошното унапредување на соработката

Средба Гаши - Грегоријан, една од темите натамошното унапредување на соработката

Скопје, 11 јуни 2024 (МИА) - Претседателот на Парламентот Африм Гаши денеска се сретнал со Армен Григорјан, постојан претставник на Развојната програма на Обединетите нации (УНДП) во земјава. На средбата, соопшти собраниската прес-службана, се разговарало за натамошно унапредување на соработката, како и за конкретна поддршка од Собранието на Република Северна Македонија за донесување и за спроведување на Националната развојна стратегија 2024 – 2044 (НРС).

-Честитајќи му го изборот на новата функција, Григорјан истакна дека Стратегијата опфаќа неколку сегменти со кои УНДП соработува со државните институции, со предлог и Собранието и понатаму да биде активно вклучено: дезинформации, младински политики (корелација со Националната младинска стратегија, транспарентност на ревизорските извештаи, образовна стратегија - со фокус кон донесување на подобрени закони за основно и средно образование, образование за возрасни, стручно образование и за ученици со посебни потреби). Посебен фокус во наредниот период ќе биде поставен и на климатските прашања и еколошката правда, односно легислативно институционализирање на правото на чиста човекова околина како основно човеково право, соопшти собраниската прес-служба. 

Гаши ги информирал присутните дека очекува на првите седници на овој парламентарен состав, Собранието да ја донесе Националната развојна стратегија, комплетирањето на Управувачкиот совет и планирање на натамошните активности во Собранието. Претседателот се заложил и на општинско ниво да бидат разработени повеќе проекти особено за помалку развиените општини, кои ќе донесат бенефит за граѓаните, при што ја подвлече поддршката од Собранието при носење закони во функција на нивна реализација.

Гаши и Григорјан заклучиле дека и во наредниот период соработката меѓу Собранието и УНДП ќе остане отворена и ќе продолжи со зголемена динамика, како и со другите институции во државата, сѐ со цел да се гарантира одржливоста на НРС во опфатениот период од 20 години. сст/цр

Фото: Собрание на РСМ

 

 

 

 

Можно е и ова да ти се допаѓа

Остани поврзан