Белград, 25 септември 2022 (МИА) - Генералниот секретар на Српската фудбалска асоцијација Јован Шурбатовиќ објасни зошто капитенот и играчот од средниот ред на репрезентацијата Душан Тадиќ одбил да ја носи капитенската лента во боја на виножитото на Светското првенство во Катар во 2022 година. Триесет и тригодишниот Србин одби да користи ленти со виножито за време на натпреварите на турнирот, како и ленти за поддршка на Украина. - Сè што може да предизвика провокација од секаков вид за нашата јавност и навивачи или да биде сфатено како форма на политизација е неприфатливо за нас. Се придржуваме до чисто спортски и политички неутрален став. Фокусирани сме само на фудбалот, го цитира Хот Спорт Шурбатовиќ. Посочи дека меѓу српските навивачи има претставници на различни општествени групи и верски заедници. - Го почитуваме правото на слободно изразување на ставовите на секој човек, но повторуваме, овие теми не се соодветни за фудбалот. Светското првенство во Катар 2022 година ќе се одржи од 20 ноември до 18 декември. зс