Киев, 26 јуни 2025 (МИА) - Руската офанзива во пограничната област на Суми во северна Украина е запрена, изјави врховниот командант на украинските вооружени сили, генерал Олександр Сирски.

-Офанзивата на руските трупи во пограничната област на Суми е запрена и линијата на фронтот е стабилизирана, рече Сирски во изјава по посетата на фронтот.

Според Сирски, украинските единици успешно спроведуваат тактики на активна одбрана и ослободуваат територија во пограничните области на Сумската област.

-Во секторите Северна Слобожаншчина и Курск, повторно блокиравме околу 50.000 руски војници, вклучувајќи елитни единици на нивните воздушно-десантни сили и маринци. Нашите офанзивни активности во Хлушковскиот округ во рускиот Курски регион го принудија непријателот да префрли дел од своите сили за да ја брани сопствената територија. Ова значително ги ослабе офанзивните способности на нивната главна ударна група во насока Суми, додаде тој. мс/