Киев, 17 мај 2025 (МИА) – Шефот на украинската дипломатија, Андриј Сибиха, и високата претставничка на Европската Унија за надворешна политика и безбедност, Каја Калас, разговараа за потребата од зголемување на притисокот врз Руската Федерација со цел да се постигне целосно и трајно прекин на огнот.

Сибиха спомена дека ја информирал својата соговорничка за резултатите од интензивните дипломатски контакти во Турција во текот на изминатите неколку дена и за средбата на украинската и руската делегација во Истанбул.

„Се согласивме дека притисокот врз Москва мора да се зголеми за да се постигне целосен и траен прекин на огнот, да се запре убивањето и да се унапредат мировните напори“, истакна тој на платфортмата Х.

Во Истанбул вчера се одржа прв директен состанок меѓу руска и украинска делегација од пролетта 2022 година.

Украинското Министерство за надворешни работи објави дека за време на преговорите во Турција, руската страна презентирала барања неприфатливи за Киев, но дека, со оглед на искуството од преговорите со Русите од 2014 година, украинските претставници знаат како да се справат со тоа.сд/

фото:Х