Киев, 28 април 2025 (МИА) – Шефот на украинската дипломатија, Андриј Сибиха, денеска,во првичната украинска реакција на објавата на рускиот претседател Владимир Путин за тридневен прекин на борбите од 8 до 10 мај, на платформата X изјави дека „доколку Русија навистина сака мир, борбите треба веднаш да прекинат“.

„Зошто да се чека до 8 мај? Ако огнот може да престане сега и да трае без прекин најмалку 30 дена, тоа би покажало дека примирјето е вистинско, а не само заради парада“, напиша Сибиха.

Тој додаде дека Украина е подготвена да поддржи траен, стабилен и целосен прекин на огнот: „Тоа е она што ние постојано го предлагаме“.

Претходно денеска официјален Кремљ објави дека планира да ги прекине борбите во Украина од полноќ меѓу 7 и 8 мај до 11 мај, по повод 80-годишнината од крајот на Втората светска војна.

Кремљ објави дека очекува Украина да го прифати примирјето, но предупреди дека, во случај на негово кршење, руските сили „ќе одговорат соодветно и ефикасно“. Истовремено, Русија уште еднаш ја изрази својата подготвеност за мировни преговори без предуслови и посредници.сд/

фото: МИА архива

If Russia truly wants peace, it must cease fire immediately.

Why wait until May 8th? If the fire can be ceased now and since any date for 30 days—so it is real, not just for a parade.

Ukraine is ready to support a lasting, durable, and full ceasefire. And this is what we are…

— Andrii Sybiha 🇺🇦 (@andrii_sybiha) April 28, 2025