Севиља, 29 декември 2024 (МИА) - Натпреварот против Селта беше последен за легендарниот фудбалер на Севиља, Хесус Навас кој настапи на стадионот „Рамон Санчез Писхуан“, а на истиот во понеделник на 30 декември славниот шпански клуб ќе му организира и официјално простување.

Клубот од Андалузија, каде поранешниот шпански репрезентативец ја помина целата своја кариера, освен периодот од 2013 до 2017 година кога беше член на Манчестер Сити, приреди спектакуларно збогување од фудбалот за својата најголема легенда.

Севиља на својот официјален профил на социјалната мрежа Х објави дека целиот стадион е преполн и се очекува незаборавна вечер за сите оние кои сакаат на Навас да му посакаат среќна пензија.

Искусниот Навас четири пати го освојуваше пехарот на Лига Европа во дресот на клубот од родниот град, двапати триумфираше во Купот на Шпанија и еднаш во Суперкупот на Европа.

Последниот меч за Севиља го одигра против Реал Мадрид, што беше негов 705. настап за овој клуб и тој е играчот со најмногу настапи во дресот на тимот од Андалузија, но и кој освоил најмногу трофеи со овој тим. дс

Фото: Архива