Скопје, 28 март 2025 (МИА) - На Факултетот за информатички науки и компјутерско инженерство (ФИНКИ)  денеска ќе бидат промовирани дипломирани и магистрирани студенти во академската 2023/24 година. На настанот ќе се обрати министерката за образование и наука  Весна Јаневска.

ФИНКИ е во состав на Универзитетот „Св. Кирил и Методиј“, основан во  2011 година.

Факултетот настана како резултат на здружување на дотогаш двата најголеми института од областа на информатиката и компјутерската техника во државава  Институтот за информатика при Природно-математичкиот факултет и Институтот за компјутерска техника и информатика (ИКТИ) при Факултетот за електротехника и информациски технологии. хс/мд/

Фото: МИА архива