Скопје, 3 јуни 2025 (МИА) - На подрачјето на Гази Баба во Скопје, полициски службеници од Секторот за меѓународна полициска соработка го лишија од слобода Х.Б.(43) од Скопје, кој се барал за издржување казна затвор и за повеќе истраги за други сторени кривични дела.

-Тој бил баран по потерници за издржување казна затвор од пет години за сторено кривично дело „разбојништво“ по член 237 од Кривичниот законик и затворска казна од шест години за сторено кривично дело „неовластено производство и пуштање во промет наркотични дроги, психотропни супстанци и прекурзори“ по член 215, како и за повеќе истраги за повеќе сторени кривични дела со мерка притвор по член 396, член 123 став 1 и став 3, член 396, член 158  и член 237 од Кривичниот законик, информираат од МВР.

Лицето е предадено во Казнено – поправната установа Затвор Скопје за издржување на казните. сст/дма/

Фото: МИА архива