Приведени две лица во случајот со запаленото возило на пратеникот Ристески
- Две лица се приведени во случајот со запаленото возило на пратеникот Петар Ристески, кое во пожар целосно изгоре вчера во раните утрински часови. Едното лице е од прилепското село Ново Лагово
![Приведени две лица во случајот со запаленото возило на пратеникот Ристески](https://mia.mk/images/20221113183300_big_730x400_18.webp )
Прилеп, 21 јули 2022 (МИА) - Две лица се приведени во случајот со запаленото возило на пратеникот Петар Ристески, кое во пожар целосно изгоре вчера во раните утрински часови. Едното лице е од прилепското село Ново Лагово на возраст од 41 година, а другото лице е од Прилеп на возраст од 31 година.
Според јавниот обвинител од прилепското основно јавно обвинителство Маријана Илиеска, на едно од двете лица, 31-годишниот прилепчанец му е определен притвор до осум дена поради спречување на службеното лице во извршувањето на должноста.
-Се прибира доказниот материјал во случајот, налогот е даден да се приберат сите видеозаписи од околината, од бензиски пумпи, јавни објекти во периодот кога е запалено возилото, а од собраниот доказен материјал на лице место се чека да заврши вештачењето, изјави обвинителката Илиеска. ем/цр
![zapaleno vozilo 3](/articles/images/%d0%bf%d1%80%d0%b8%d0%b2%d0%b5%d0%b4%d0%b5%d0%bd%d0%b8-%d0%b4%d0%b2%d0/3dBbI6Czx/placeholder.webp?use_watermark=0)
![zapaleno vozilo 1](/articles/images/%d0%bf%d1%80%d0%b8%d0%b2%d0%b5%d0%b4%d0%b5%d0%bd%d0%b8-%d0%b4%d0%b2%d0/Ymv2K2WOk/placeholder.webp?use_watermark=0)