Претпродолжението на „Предатор“ од 5 август на Хулу
- Ова е последен филм на серијалот филмови којшто започна со остварувањето од 1987 година во режија на Џон Мектирнан и со Арнолд Шварценегер во главната улога.
![Претпродолжението на „Предатор“ од 5 август на Хулу](https://mia.mk/images/20221113185358_big_730x400_41.webp )
Лос Анџелес, 27 јули 2022 (МИА) - Полни 35 години по првиот филм за чудовиштето-вонземјанин „Предатор“, суштеството се враќа на сцена во претстојниот филм „Плен“ (Prey).
Во режија на Ден Трахтенберг, „Плен“ е сместен во 1719 година кога „грабливецот“ се спушта на Големата Северна Рамнина во САД, подготвен за лов... Ова е последен филм на серијалот филмови којшто започна со остварувањето од 1987 година во режија на Џон Мектирнан и со Арнолд Шварценегер во главната улога. - Технички гледано, тој филм им претходи на другите, но тоа не е приказна за тоа од каде доаѓа Предаторот..., рече Трахтенберг на лондонската премиера. Трахтенберг ја постави приказната меѓу домородниот американски народ Команчи и речиси сите глумци во поставата се Домородни Американци. Улогите ги толкуваат Амбер Митхандер, Дејн Дилиегро, Џеронимо Вела, Стефани Матијас и други. https://www.youtube.com/watch?v=wZ7LytagKlc - Мислев дека е одлична работа да се истакнат Домородните Американци, особено Команчите, кои често се наоѓаат во улогата на негативци, а никогаш херои, рече режисерот. „Плен“ од 5 август ќе се прикажува во САД, на стрим-платформата Хулу, а во Велика Британија на Дизни плус. си/