Скопје, 22 април 2023 (МИА) - Во кафе - книжарницата „Буква“ со почеток од 21 часот ќе се одржи петтото издание на поетската вечер „Поетска епизода“, во организација на младинското неформално здружение за култура „Култура Бета“, а со поддршка на Еуроп хаус (Europe House).

- Во оваа епизода гостуваат поетите и поетесите Ана Димишковска, Владимир Мартиновски, Ѓоко Здравески, Дејан Трајкоски и Марија Хана Трајкоска. Вечерта ќе ја модерираат младите поети Андреј Медиќ Лазаревски и Марија Велинова, пишува во соопштението на „Култура Бета“.

Оваа епизода, како што се посочува во соопштението, е посветена на поетиката на питорескното што како тема ги опфаќа поезијата посветена на ликовни дела, поезија за филмови, визуелната поезија, поезија за бои и сето она што може да влезе измеѓу. бд/са/

ФОТО: „Култура Бета“