Пендаровски: Почит за нашите пожарникари, ЗМСТАМ е глас на сестринската професија
- Претседателот на државата Стево Пендаровски денеска преку својот фејсбук-профил упати честитка до пожарникарите по повод денешнипот Ден на пожарникарството. Тој исто така информира дека оства
![Пендаровски: Почит за нашите пожарникари, ЗМСТАМ е глас на сестринската професија](https://mia.mk/images/20221107110828_big_730x400_9.webp )
Скопје, 20 мај 2021 (МИА) - Претседателот на државата Стево Пендаровски денеска преку својот фејсбук-профил упати честитка до пожарникарите по повод денешнипот Ден на пожарникарството. Тој исто така информира дека остварил средба со претставници од Националното Здружение на медицински сестри, техничари и акушерки - ЗМСТАМ.
- На 20 мај 1836 година во Битола е формирана првата противпожарна единица во овој дел на Балканот. Почит за нашите пожарникари. Посветено и пожртвувано, спречуваат несреќи и катастрофи. Во интерес на сите нас е постојано да инвестираме во современа опрема, тренинг и обука на нашите пожарникари, напиша Пендаровски.
![Пендаровски медицински сестри](/articles/images/pendarovski-pochit-za-nashite-pozharnikari-zmstam-e-glas-na-sestrinska/XBa8iLq2a/placeholder.webp?use_watermark=0)
Тој посочува дека Здружението на медицински сестри, техничари, акушерки и стоматолошки сестри е глас на сестринската професија.
-Бесценет е нивниот придонес во грижата на граѓаните, особени во овие тешки услови наметнати од пандемијата на Ковид-19, напиша на Фејсбук претседателот Пендаровски. фф/ац/