Парада на гордоста во Атина
- Под слоганот „Ова е тоа што нѐ обединува“, попладнево во центарот на Атина се одржа традиционалната парада на гордоста на која учествуваа илјадници граѓани, јави дописничката на МИА од Атина.
![Парада на гордоста во Атина](https://mia.mk/images/20230623191603_big_730x400_67.webp )
Атина, 11 септември 2021 (МИА) – Под слоганот „Ова е тоа што нѐ обединува“, попладнево во центарот на Атина се одржа традиционалната парада на гордоста на која учествуваа илјадници граѓани, јави дописничката на МИА од Атина.
Учесниците велат дека и покрај пандемијата, оваа година парадата беше една од помасовните.
Граѓани на различна возраст, маршираа низ улиците во Атина, а парадата традиционално заврши пред грчкиот Парламент.
Овој пат, поради мерките за заштита од Ковид-19, по завршувањето не се одржа концерт, како што беше случај претходно.
„Не за булингот, да за љубовта“; „Љубовта е за сите“; „Сакаме љубов и еднаквост, а не страв и несигурност“; „Љубовта е непобедлива“; „Излези, биди горд“; „Еднаквост за сите“, беа дел од пораките што ги испратија учесниците на парадата.
Поддршка за парадата изразија и политичките партии СИРИЗА и Движење на промена.
Парадата во Атина, од 2005 година традиционално се одржува секоја година во јуни, но овој пат, беше одложена поради пандемијата.
Фото: МИА
![парада на гордоста атина1](/articles/images/parada-na-gordosta-vo-atina/apo1EdlKh/placeholder.webp?use_watermark=0)
![парада на гордоста атина3](/articles/images/parada-na-gordosta-vo-atina/b3EnbM4lU/placeholder.webp?use_watermark=0)
![парада на гордоста атина2](/articles/images/parada-na-gordosta-vo-atina/vxHouLLuY/placeholder.webp?use_watermark=0)