Пакистан и Кина посебно го истражуваат нападот врз Кинезите во Пакистан
- Кинеските и пакистанските истражители одделно го истражуваат минатонеделниот бомбашки напад во кој загинаа пет Кинези кои работеа на најголемиот пакистански хидроенергетски проект - брана Даса, а загина и нивниот возач Пакистанец.
![Пакистан и Кина посебно го истражуваат нападот врз Кинезите во Пакистан](https://mia.mk/images/20240401142725_big_730x400_25.webp )
Исламабад, 1 април 2024 (МИА) - Кинеските и пакистанските истражители одделно го истражуваат минатонеделниот бомбашки напад во кој загинаа пет Кинези кои работеа на најголемиот пакистански хидроенергетски проект - брана Даса, а загина и нивниот возач Пакистанец.
Нападот во нестабилниот северозапад на Пакистан наиде на осуда низ целата земја, при што Кина побара од Пакистан подобро да ги заштити своите државјани кои работат на проекти во „Кинеско-пакистанскиот економски коридор“.
Пакистанската полиција за борба против тероризмот денеска соопшти дека на повеќе места уапсила 12 лица осомничени дека им помагале на оние кои го организирале бомбашкиот напад во вторникот, и дека апси и други лица. рп/
Фото: МИА архива